आगामी अक्टोबर १० तारिख क्यानबेरामा हुने विश्वकप छनोट चरणको अष्ट्रेलियाविरुद्धको खेलका लागि नेपाली राष्ट्रिय टोलीको घोषणा भएको छ । टोलीको नेतृत्व किरण चेम्जोङले गर्नेछन् । उनी गोलकिपर हुन् । यस्तै टिममा उनीसँगै विकेस कुथु, विशाल श्रेष्ठ रहेका छन् । डिफेन्डरतर्फ सरोज दाहाल, अजित भण्डारी, दिनेश राजवंशी, अनन्त तामाङ, देवेन्द्र तामाङ, रजिन धिमाल, सुमन अर्याल छन् ।
मिडफिल्डमा सुनील बल, रवि पासवान, अन्जन विष्ट, सुजल श्रेष्ठ, हेमन गुरुङ, विक्रम लामा, तेज तामाङ, सन्तोष तामाङ, विशाल राई, रोहित चन्द रहेका छन् भने फरवार्डमा विमल घर्तीमगर, अभिषेक रिजाल, नवयुग श्रेष्ठ रहेका छन् । फिफा बरियतामा उच्च स्थानमा रहेको अष्ट्रेलिया एशियन च्याम्पियन भइसकेको टोली हो । नेपालका लागि कठीन मानिएपनि खेलमा राम्रो प्रदर्शन गर्नसक्ने नतिजा आफ्नो पक्षमा ल्याउन सक्नेमा प्रशिक्षक ढुक्क छन् । प्रशिक्षक योहान कालिनले टोलीको घोषणा गरेका हुन् ।