एनआरएनको युथ कप टेबल टेनिस प्रतियोगिता आज
एनआरएन अष्ट्रेलिया भिक्टोरिया राज्य समन्वय परिषद्ले आज युवालक्षित टेबल टेनिस प्रतियोगिता गर्दैछ । स्थानीय कोबर्ग टेनिस क्लबमा विहान ११ बजेदेखि प्रतियोगिता सुरु हुनेछ । 
एनआरएन भिक्टोरियाका सचिव नारायण कटुवालका अनुसार युवाहरुलाई खेलका गतिविधिमा समाहित गर्दै अन्य कुलतहरुबाट जोगाउने र आपसी भाईचारा अभिबृद्धि गर्ने उद्देश्यका साथ प्रतियोगिता सञ्चालन गरिएको हो । प्रतियोगितामा युवा, पुरुष, महिला र बालबालिका गरी विभिन्न विधामा सञ्चालन गरिनेछ । यस प्रतियोगितालाई नेप्लीज एशोसिएसन अफ भिक्टोरियाले समेत सहकार्य गरेको छ ।
