न्याभ कप क्रिकेटको फाईनलमा रोयल राईनोज र हिमालय क्लब भिड्दै
करिब दुई महिना लामो न्याभ कप क्रिकेट प्रतियोगिताको फाईनल आईतबार २३ फेब्रुअरीका दिन हुने भएको छ । फाईनलमा उपाधिका लागि रोयल राईनोज क्रिकेट क्लब र हिमालयन क्रिकेट क्लबबीच भिडन्त हुनेछ । 
मेलबर्नको प्रेस्टनस्थित टीडब्लू ब्लेक पार्कमा मध्यान्ह १२ बजेदेखि फाईनल खेल हुनेछ । प्रतियोगिता लगत्तै करिब चार बजे विजयीहरुलाई पुरस्कृत गर्ने तयारी छ । यसअघि भिक्टोरियामा डँढेलो पीडितहरुको सहयोगका लागि च्यारिटी क्रिकेट प्रतियोगिता हुनेछ । जसमा न्याभ र एनआरएनका टिमले प्रतिस्पर्धा गर्नेछन् ।
