अष्ट्रेलियाको भिक्टोरियामा बसोबास गर्ने नेपालीहरुको साझा संस्था नेप्लीज एशोसिएसन अफ भिक्टोरिया न्याभले हरेक वर्ष आयोजना गर्ने न्याभ कप क्रिकेट प्रतियोगिताको यस वर्षको उपाधि दि हिमालयन क्लबले जितेको छ । रोमाञ्चक फाईनल खेलमा आईतबार रोयल राईनोजलाइृ ५ विकेटले पराजित गर्दै हिमालयनले उपाधिमाथि कब्जा जमाएको हो । उपाधि जित्ने क्रममा केशव पन्थी बेष्ट बलर घोषित भए भने सरमाथा क्रिकेट क्लबका आशिष जिसी बेष्ट व्याट्सम्यान घोषित भए । यस्तै बेष्ट विकेटकिपरमा सुसन गुरुंग भए भने म्यान अफ दि सिरिज रोयल राईनोज क्रिकेट क्लबका निरज श्रेष्ठ घोषित भए । न्याभ कप क्रिकेटका संयोजक सन्तोष बस्ताकोटीका अनुसार फाईनल खेलमा उत्कृष्ट प्रदर्शन गरे वापत हिमालयन क्लबका मनीष खकुरेल म्यान अफ दि म्याच घोषित भए । फाईनलको भिडन्तमा रोयल राईनोज क्रिकेट क्लबले ८ विकेटको क्षतिमा १ सय २८ रन बनाएको थियो भने उक्त लक्ष्यलाई दि हिमालय क्लबले मात्र ५ विकेटको क्षतिमा १९ ओभरमा पूरा गरेको थियो । प्रेष्टनस्थित मैदानमा टीडब्लू ब्लेक मैदानमा भएको खेलपश्चात प्रतियोगितामा विभिन्न उपाधि हासिल गर्ने खेलाडीहरुलाई पदक र प्रमाणपत्र तथा विजेता टिमलाई शिल्ड प्रदान गरिएको थियो ।