विश्वका विभिन्न देशहरबाट नेपालीलाई स्वदेश फर्काउने कार्यमा खटिएका नेपाल एयरलाईन्सका पाईलट र कर्मचारीसहित ७ जनामा कोरोना देखिएको छ । हाल क्वारेन्टिनमा रहेका उनीहरुको पिसिआर परीक्षणमा पोजेटिभ देखिएपछि आसोलेसनमा राखेर थप परीक्षण भइरहेको हो । नेपाल एयरलाईन्सको वार्षिकोत्सव कार्यक्रममा ति व्यक्तिहरु समेत सहभागी भएकोले उनीहरुले अरुलाई सारे कि भन्ने कोणबाट पनि विश्लेषण भइरहेको छ । यससँगै उनीहरुले उडाएका विमान, त्यसमा आएका यात्रुहरुको विषयमा पनि छानविन हुने भएको छ । उनीहरु सोल्टी होटलको क्वारेन्टिनमा रहँदै आएका छन् । नेपाल एयरलाईन्सले ७५ वटा कोठा आफ्ना उडान कर्मचारीको लागि बुक गरेको छ । यसअघि हिमालय एयरलाईन्सका एक पाईलटसहित दुईजनामा कोरोनाको संक्रमण देखिएको थियो ।