आफ्नै छोरीलाई बलात्कार गरेको आरोपमा बाबु पक्राउ !
कञ्चनपुरको बेलौरीमा आफ्नै छोरी बलात्कार गरेको आरोपमा गएराती एक जनालाई प्रहरीले पक्राउ गरेको छ । बेलौरी नगरपालिका– ५ कञ्चनपुरका ४० वर्षीय पुरुषलाई गएराति प्रहरीले पक्राउ गरेको हो । छोराछोरीसँगै सुतेका पुरुषले मध्यरातमा छोरीमाथि बलात्कारको प्रयास गरेका थिए ।
बालिका कराएपछि परिवारका अन्य सदस्यले बलात्कार गरेको थाहा पाएपछि प्रहरीमा खबर गरेका थिए । घटनाबारे प्रहरीलाई खबर आएपछि आरोपीलाई घरबाटै पक्राउ गरिएको इलाका प्रहरी कार्यालय बेलौरीका इन्चार्ज रणबहादुर चन्दले बताए । इलाका प्रहरी कार्यालय बेलौरीले बालिकाको स्वास्थ्य चेकजाँच गरेको र दोषीमाथि छानबिन गरी कारवाही गर्नेकाम भइरहेको इन्चार्ज चन्दले बताए ।
