भरुवा बन्दुक आफ्नै निधारमा प्रहार गरी आत्महत्या !
उदयपुरमा भरुवा बन्दुकले आफ्नै निधारमा प्रहार गरी एक युवकले आत्महत्या गरेका छन् । मदिरा सेवन गरेर घर पुगेका लिम्चुङबुङ गाउँपालिका–५ जाँतेका विध्याराज राईले भरुवा बन्दुक आफ्नै निधारमा प्रहार गरी आत्महत्या गरेका हुन् ।
शुक्रबार राती साढे आठ बजे घरमा पहिला नै भरेर राखेको बन्दुक राईले चलाउँदा घटना घटेको जिल्ला प्रहरी कार्यालयका डिएसपी गोबिन्द पुरीले जानकारी दिए । आफ्नै निधारमा गोली प्रहार किन गरे र घटना कसरी घट्यो भन्ने अनुसन्धान भइरहेको डिएसपी पुरीले बताए ।
