नेपाली समूदाय अष्ट्रेलियामा विविध गतिविधिका साथ अगाडि बढिरहेका छन् । आफ्नो समूदायको शिक्षा, स्वास्थ्य र सम्मानका निम्ति उनीहरुले सहकार्य गरिरहेका छन् । यसैक्रममा आगामी २७ र २८ डिसैम्बरमा मेलबर्नमा नेपाली समूदायको अन्तरराज्य स्पोर्टस मिट हुने भएको छ । जसमा अष्ट्रेलियाका सबै राज्यबाट नेपााली खेलाडीहरुले विभिन्न ५ विधामा सहभागिता जनाउनेछन् । क्रिकेट, टेनिस, व्याडमिन्टन, टेबल टेनिस र गल्फका खेलहरुमा प्रतिस्पर्धा र सहकार्यको माध्यमबाट उत्कृष्टताको चयन हुनेछ । प्रतियोगिताका विजयीहरुलाई २८ तारिख आयोजना गरिने गाला डिनर र पुरस्कार वितरण समारोहमा सम्मानित गरिनेछ । नेप्लीज एशोसिएसन अफ भिक्टोरियाले यस वर्षको कार्यक्रम आयोजना गर्दैछ । यसअघि सिड्नीमा एनआरसीले यस किसिमको जमघट गरेको थियो । हरेक पटक विभिन्न राज्यहरुमा यसैगरी संयुक्त रुपमा आयोजना गरिने र सकेसम्म धेरैभन्दा धेरै नेपालीलाई समेट्ने प्रयत्न गरिने आयोजक संस्थाहरुले जनाएका छन् ।