ड्युटीमा बसेका प्रहरीलाई विभिन्न प्रलोभन देखाएर घुस दिन खोज्ने व्यक्तिहरुलाई घुसवापत् रकमसहित पक्राउ गरी कारबाही गरिनुका साथै ड्युटीमा इमान्दारिता प्रदर्शन गर्ने प्रहरीलाई पुरस्कृत गरिएको छ । आर्थिक प्रलोभनमा नपरी आफूलाई दिइएको जिम्मेवारी इमान्दारितासाथ निर्वाह गर्ने प्रहरीहरुलाई प्रोत्साहन गर्ने उद्धेश्यले प्रदेश प्रहरी कार्यालयका साथै सम्बन्धित जिल्ला प्रहरी कार्यालयले नगद पुरस्कार प्रदान गरेका छन् ।

जिल्ला प्रहरी कार्यालय सिन्धुलीले यसअघि एक प्रनानिसहित ४ जनालाई पुरस्कार प्रदान गरिसकेको छ भने सोमबार प्रदेश प्रहरी कार्यालयले थप ३ प्रहरीलाई उनीहरुले नियमानुसार पाउने नगद पुरस्कार प्रदान गरेको छ । पुरस्कार पाउनेमा जिल्ला प्रहरी कार्यालय सिन्धुलीका प्रहरी जवान दुई र जिल्ला प्रहरी कार्यालय मकवानपुरमा कार्यरत् १ प्रहरी जवान छन् ।