१४ लाख नगदसहित ४ जुवाडे पक्राउ !
सोलुखुम्बु जिल्लाको सोताङ गाउँपालिका–५ शिवटार बजार नजिकैको पसलघरमा जुवा खेलिरहेको अवस्थामा १४ लाख ६५ हजार रुपैयाँ नगदसहित उनीहरूलाई मंगलबार पक्राउ गरिएको हो । इलाका प्रहरी कार्यालय सोताङका प्रहरी निरीक्षक अनिल लिम्बुको नेतृत्वमा खटिएको टोलीले जुवा खेलिरहेको अवस्था उनीहरुलाई पक्राउ गरेको हो ।
उनीहरुको साथबाट कृषि विकास बैंकको २९ लाख रुपैयाँको चेक समेत बरामद गरिएको छ । उनीहरुलाई अहिले जिल्ला प्रहरी कार्यालय सल्लेरीमा ल्याइएको प्रहरीले जनाएको छ। यति ठूलो परिणाम नगदसहित जुवाडेलाई जुवा खालबाटै पक्राउन गरिएको यो जिल्लाकै पहिलो घटना हो ।
