बाजुरामा पहिरोमा परी बेपत्ता युवकको शव भेटियो !
काठमाडौँ । बाजुरामा पहिरोमा बेपत्ता भएका युवकको शव फेला परेको छ । बाजुराको बुढीगंगा नगरपालिका अम्कोटमा गएको पहिरोमा पुरिएर बेपत्ता भएका स्थानीय २२ वर्षीय धर्मराज पाध्याको शव तीन दिनपछि शुक्रबार बिहान फेला परेको सहायक प्रमुख जिल्ला अधिकारी समीर भण्डारीले जानकारी दिए ।
पहिरोमा पुरिएर उनी बुधबारदेखि बेपत्ता भएका थिए । पहिरोमा बेपत्ता भएदेखि नै पाध्यायको नेपाली सेना, सशस्त्र प्रहरी, नेपाल प्रहरी र स्थानीयले खोजी गरिरहेका थिए । सोही पहिरोमा परी स्थानीय हरेन्द्र पाध्याय र ज्ञानराज पाध्याय घाइते भएका थिए । उनीहरु दुवै जना निको भएर घर फर्किसकेको उनले बताए ।
