भोजपुरमा वडाध्यक्षद्वारा वृद्धमाथि निर्घात कुटपिट !
भोजपुरको साल्पासिलिछो गाउँपालिका–१ कुलुङका वडाध्यक्ष गणेश बुढाथोकीले स्थानीय एक वृद्धलाई निर्घात कुटपिट गरेका छन् । वडाध्यक्षको कुटाइबाट घाइते भएका वृद्धको अवस्था गम्भिर भएपछि थप उपचारका लागि विराटनगर पठाइएको छ ।
स्थानीय ६५ वर्षीय अर्जुनजंग कार्कीलाई वडाध्यक्ष बुढाथोकीले शनिबार दिङ्लाबाट घर जानेक्रममा वृद्धलाई कुटपिट गरेका थिए । वडाध्यक्षको कुटाइबाट छाति, हात र खुट्टामा चोट लागेको कार्कीकी श्रीमती इन्दिराले बताइन् । वडाध्यक्ष बुढाथोकीलाई प्रहरीले नियन्त्रणमा लिएर उपचार गरिदिने सहमति भएपछि पीडित परिवारको रोहवरमा छाडिएको इलाका प्रहरी कार्यालय दिङ्लाका प्रहरी निरिक्षक भाष्कर खतिवडाले जानकारी दिए ।
