स्रोत नखुलेको १६ लाख नगदसहित कपिलवस्तुबाट एक जना पक्राउ !
कपिलवस्तुको मायादेवी गाउँपालिकाबाट स्रोत नखुलेको १६ लाख रुपैयाँसहित एक जना पक्राउ परेका छन् । गाउँपालिकाको वडा नम्बर ४ बाट सोही गाउँपालिकाका ३८ वर्षीय विनोद सोनार पक्राउ परेका हुन् ।
भारतबाट नेपाल आउँदै गरेका सोनारलाई सशस्त्र प्रहरी बल नेपाल बोर्डर आउट पोष्ट चाकडचौडाबाट खटिएको एपिएफ टोलीले मंगलबार पक्राउ गरेको हो । पक्राउ परेका सोनारलाई बरामद नगदसहित आवश्यक कारबाहीको लागि स्थानीय प्रहरीमा बुझाइएको छ ।
