स्पेनिस क्लब बार्सिलोनाले नेदरल्याण्डका रोनाल्ड कोयमनलाई प्रशिक्षकको रूपमा नियुक्त गरेको छ । सोमबार किके सेटिनलाई प्रशिक्षकबाट बर्खास्त गरेसँगै बार्सिलोनाले कोयमनलाई नियुक्त गरेको हो ।

कोयकन बार्सिलोनाकै पूर्वखेलाडी हुन् । उनले सन् १९८९ देखि १९९५ सम्म बार्सिलोनाबाट खेलेका थिए ।

गतहप्ता युरोपियन च्याम्पियन्स लिगअन्तर्गत क्वाटरफाइनलको खेलमा बार्सिलोनाले बायर्न म्युनिखसँग लज्जास्पद हार व्यहोरेको थियो । ८–२ को विशाल गोलअन्तरले हारेको बार्सिलोना टिम नै आंशिक रूपमा परिवर्तन गर्ने मनसायमा छ ।

बार्सिलोनामा प्रशिक्षकको रूपमा नियुक्त भएपछि कोयमनले नेदरल्याण्डको राष्ट्रिय टोलीको प्रशिक्षकबाट राजिनामा दिएका छन् ।

बार्सिलोनामा कोयमन २ वर्षसम्म प्रशिक्षकको रूपमा रहनेछन् ।