कैलाली । कैलाली जानकी गाउँपालिका–९ खैरीफाँटाकी १७ वर्षीय युवतीलाई सामूहिक बलात्कार गरेको अभियोगमा प्रहरीले चार जनालाई पक्राउ गरेको छ । पक्राउ पर्नेमा जानकी–९ खैरीफाँटाका दीपक कडारा, लोकेश रावत, शंकर विश्वकर्मा र कुमार कडारा रहेका इलाका प्रहरी कार्यालय टीकापुरका प्रहरी नायव उपरिक्षक मधुसुदन न्यौपानेले जानकारी दिए ।

उनले पीडित युवतीले दिएको किटानी जाहेरीका आधारमा उनीहरुलाई आइतबार पक्राउ गरेको बताए । १७ वर्षीय एक किशोरीलाई सामूहिक बलात्कार गरेर फरार जार जनालाई प्रहरीले पक्राउ गरेको छ । यही भदौ ११ गते राति १० बजे टिकापुरस्थित काकाको घरबाट फर्किंदै गरेकी १७ वर्षीया किशोरलाई कैलाली जानकी गाउपालिका–९ मा जबर्जस्ती खेतमा लगेर ती युवाले सामुहिक बलात्कार गरेका थिए ।