स्क्वासका राष्ट्रिय प्रशिक्षक थापा कोरोनामुक्त
काठमाडाैँ । नेपालका राष्ट्रिय स्क्वासका प्रशिक्षक कोरोनामुक्त भएका छन् । राष्ट्रिय प्रशिक्षक हिरा थापा कोरोना संक्रमण पुष्टि भएको २४ दिनपछि कोरोनामुक्त भएका हुन् ।
उनले फेसबुकमा पोस्ट गर्दै आफु कोरोना संक्रमण मुक्त भएको पुष्टि गरेका हुन् । साउन २४ गते थापामा कोरोना संक्रमण पुष्टि भएको थियो ।
फेसबुकमा उनले गरेको पोस्टमा लेखेका छन्, ‘आज बिहान मेरो कोरोना रिपोर्ट नेगेटिभ आएको छ । अब म घर फर्किन्छु । तर, अझै केहीदिन होम क्वारेन्टाइनमा बस्नेछु ।’
कोरोना संक्रमण पुष्टि भएपछि थापा सातदोबाटोस्थित स्क्वास संघको भवनमा सेल्फ आइसोलेसनमा बसेका थिए ।
