काठमाडौँ । ललितपुरको पुल्चोकमा बिहीबार रातो मच्छिन्द्रनाथको रथ तान्ने क्रममा ट्राफिक प्रहरीमाथि निर्धात कुटपिट गर्ने ९ जनालाई ललितपुर प्रहरीले पक्राउ गरेको छ । ट्राफिक प्रहरी जवान कमल घिमिरेलाई कुटपिट गर्ने ९ जनालाई पक्राउ गरेको ललितपुर प्रहरी परिसरका प्रमुख टेकप्रसाद राईले जानकारी दिए ।

निषेधाज्ञा तथा प्रहरीको चेतावनीलाई वेवास्ता गर्दै स्थानीयहरुले रथ तानेपछि प्रहरीले रोक्न खोज्दा झडप भएको थियो । भिडलाई तितरबितर पार्न प्रहरीले अश्रुग्याँस र पानीको फोहोरासमेत हानेको थियो ।

सोही क्रममा भीडले मोटरसाइकलमा आइरहेका ट्राफिक प्रहरी जवान घिमिरेमाथि निर्घात कुटपिट गरेको थियो थियो । हाल घाइते घिमिरेको जावलाखेलस्थित अल्का अस्पतालमा उपचार भइरहेको छ । झडपमा अन्य तीन प्रहरी पनि घाइते भएको छन् । ट्राफिक प्रहरी जवानमाथि कुटपिटमा संलग्नहरुलाई कडा कारबाही गरिने ललितपुर प्रहरी परिसरका प्रमुख राईले बताए ।

यो पनि…