फिलिप ह्युजको परिवारले नेपाली क्रिकेट संघ(क्यान) ले स्व. ह्युजको सम्झनामा ६३ ओभरको म्याच दुई देशबीच खेलाउने र उनको व्याटलाई सर्वोच्च शिखर सगरमाथामा राख्ने प्रस्तावलाई स्वीकृति दिएको छ । क्रिकेट अष्ट्रेलियाले यस विषयमा नेपाली क्रिकेट संघसँग समन्वय गरिरहेको र परिवारले स्वकिृति दिएको जानकारी गराएको समाचारमा जनाइएको छ । अष्ट्रेलियन क्रिकेटर फिलिप ह्युगेजको श्रद्धाञ्जलीलाई कुनै गलत तत्वहरुले दुरुपयोग नगरुन् भन्नका निम्ति यस विषयमा कुनैपनि कार्य गर्दा क्रिकेट अष्ट्रेलियासँग स्वीकृति लिनुपर्ने हुन्छ, किनकि उनीहरुले ६३ नट आउटलाई ट्रेडमार्क रजिष्टर्ड गरेका छन् । ह्युजको संस्मरणलाई कसैले दुरुपयोग नगरोस् भन्नका निम्ति यसो गरिएको हो । परिवारले नेपाली क्रिकेट संघको यो प्रस्तावमा विनाकुनै सर्त स्वकृति जनाएको छ ।