म्यानचेस्टर सिटीका २ जना खेलाडीमा कोरोना संक्रमण
एजेन्सी । इंग्लिस फुटबल क्लब म्यानचेस्टर सिटीका २ जना खेलाडीमा कोरोना संक्रमण पुष्टि भएको छ । फुटबल क्लब सिटीले २ जना खेलाडीमा कोरोना संक्रमण भएको पुष्टि गरेको हो ।
सिटीले जनाए अनुसार विंगर रियाद महारेज तथा डिफेन्डर एमरिक लापोर्टेमा कोरोना संक्रमण पुष्टि भएको हो । कोरोना संक्रमण भएता पनि उनीहरूमा कोरोना भाइरसको कुनै लक्षण नदेखिएको सिटीले प्रस्ट पारेको छ ।
सेप्टेम्बर १२ तारिखदेखि इंग्लिस प्रिमियर सुरू हुँदैछ । तर, सिटीले २२ तारिखमा वुल्भरह्याम्टन वान्टरर्सँग खेल्दै लिगको सुरूवात गर्नेछ ।
सिटीले विज्ञप्ती जारी गर्दै कोरोना संक्रमित खेलाडीहरू सेल्फ आइसोलेसनमा बसेको जानकारी दिएको छ ।
