फिदिममा जारी पूर्वाञ्चलस्तरीय छैटाँै वाइवाइ फाल्गुनानन्द गोल्डकप प्रतियोगिताको आजको खेलमा डिफेन्डिङ च्याम्पियन एपिएफ दमक विजयी बन्दै सेमिफाइनलमा प्रवेश गरेको छ । चर्च ब्वाइज काठमाडौँलाई ० का विरुद्ध एक गोलको गोल अन्तरले एपिएफले पराजित गरेको हो । खेलअवधिभर उत्कृष्ट प्रदर्शन गरेको चर्च ब्वाइजका विक्रम लामा म्यान अफ दि म्याच घोषित भए । प्रतियोगिता अन्तर्गत शनिबारदेखि सेमिफाइलका खेल सुरु हुनेछन् । शनिबार हुने पहिलो सेमिफाइनलमा अनारमनी फुटबल क्लब झापा र आयोजक फिदिम स्पोर्टिङ क्लब फिदिमबीच प्रतिस्पर्धा हुने भएको छ । आयोजक फिदिम स्पोर्टिङ क्लबले कन्चनजङ्घा युनाइटेडलाई १–० तथा अनारमनी फुटबल क्लब झापाले ताप्लेजुङ ११ लाई ४—१ गोल अन्तरले पाखा लगाउँदै अनारमनी र फिदिम स्पोर्टिङ क्लबले सेमिफाइनलको यात्रा तय गरेका हुन् । यस्तै प्रतियोगिताअन्तर्गत आइतवार दोस्रो सेमिफाइनलको खेलमा फयान्स क्लब भुटान र आजको विजयी टोली एपिएफ दमकले प्रतिस्पर्धा गर्ने आयोजकले जनाएको छ । फ्यान्स क्लव भुटान उर्लाबारी फुटबल क्लबलाई १–० तथा एपिएफ दमक चर्च ब्वाइजलाई १—० गोल अन्तरले पराजित गर्दै सेमिफाइनलमा प्रवेश गरेका हुन् । पूर्वका छ, भारत र भुटान गरी आठ समूह सहभागी प्रतियोगिताका विजेताले रु एक लाख ११ हजार १११ र उपविजेताले रु ५५ हजार ५५५ हात पार्ने आयोजक फिदिम स्पोर्टिङ क्लबका अध्यक्ष किरण श्रेष्ठले जानकारी दिनुभयो ।