दिल्लीले चौथो खेलमा पनि सन्दीपलाई स्थान दिएन !
यूएईमा जारी १३ औँ संस्करणको इन्डियन प्रिमियर लिग (आईपीएल) टी–ट्वान्टी क्रिकेट अन्तर्गत अहिले दिल्ली क्यापिटल्स र कोलकक्ता नाईट राइडर्स प्रतिस्पर्धा गर्दैछन् ।
सारजहाँ क्रिकेट स्टेडियममा कोलकक्ताले टस जितेर पहिले बलिङ गर्ने भएको छ । दिल्लीले कोलकक्ताविरुद्ध केही समय पछि ब्याटिङ थाल्नेछ ।
दिल्लीको आजको खेलमा पनि नेपाली राष्ट्रिय क्रिकेट टोलीका लेग स्पिनर सन्दीप लामिछानेले स्थान बनाउन सकेनन् । लिगको चौथो खेल खेल्न लाग्दा दिल्लीले आजको खेलमा पनि सन्दीपलाई स्थान दिएन ।
दिल्ली आजको खेलमा फराकिलो जित निकाल्दै तालिकाको शीर्ष स्थानमा उक्लने योजनामा छ । एजेन्सी
