अखिल नेपाल फुटबल सङ्घले आयोजना गरेको राष्ट्रिय लिग फुटबल प्रतियोगिताको दोस्रो खेलमा थ्रिस्टार क्लब विजयी भएको छ । दशरथ रङ्गशाला मैदानमा आज भएको सो प्रतियोगितामा थ्रिस्टार क्लबले मोरङ फुटबल क्लबलाई ३–० गोलअन्तरले पराजित गर्दै विजयी भएको हो । थ्रिस्टारको जितमा सन्तोष साउखलले दुई गोल गरे भने मोरङका रुपेश तामाङले आत्मघाती गोल गरे । खेलको पहिलो हाफसम्म एक गोल खाएको मोरङले दोस्रो हाफमा दुई गोल खान पुग्यो । साउखलले खेलको पहिलो हाफको ३५ औँ मिनेटमा र खेलको ४८ औँ मिनेटमा दुई गोल गरे । त्यस्तै लामाले खेलको ५६ औँ मिनेटमा रुपेश तामाङले प्रहार गरेको रिबाउन्ड बललाई सदुपयोग गर्दै गोल गरे । यस जितसँगै थ्रिस्टारले शीर्ष ३ अङ्क जोडेको छ । यसअघि यही माघ ७ गते भएको पहिलो खेलमा मनाङ मस्र्याङ्दी क्लबले सुदूरपश्चिमाञ्चल फुटलब क्लबलाई पराजित गर्दै विजयी भएको थियो । राजधानी र मोफसलका गरी नौ टोलीले भाग लिएको सो प्रतियोगिताको विजेता टिमले रु एक करोड प्राप्त गर्नेछ । सोमबार नेपाल प्रहरी क्लब र जगदम्बा लुम्बिनी फुटबल क्लब आमने समाने हुनेछन् ।