काठमाडाैँ । लिभरपुल प्रिमियर लिगको शीर्ष स्थानमा उक्लिएको छ । गएराती भएको खेलमा वेस्ट ह्यामलाई २–१ गोल अन्तरले पराजित गर्दै लिभरपुलले पहिलो स्थान कब्जा गरेको हो ।

घरेलु मैदानमा भएको खेलमा परिवर्तित खेलाडी डिएगो जोटाले विजयी गोल गरेका थिए । खेलको सुरूवातमा लिभरपुल पछाडि परेको थियो ।

भ्रमणकारी टोलीका लागि खलको सुरूवाती १० मिनेटमा पाब्लो फर्नाल्सले गोल गर्दै अग्रता दिलाएका थिए । खेलको ४२ मिनेटमा मोहमद सलाहले पेनाल्टीमार्फत गोल गर्दै लिभरपुललाई खेलमा फर्काएका थिए।

७० मिनेटमा मैदान प्रवेश गरेका डिएगो जोटाले ८५ मिनेटमा गोल गरेपछि लिभरपुल जीत उन्मुख भएको थियो ।

लिभरपुलले जम्मा ७ खेलबाट १६ अंक जोड्दै शीर्षस्थानमा कब्जा जमाएको छ । ७ खेलमध्ये ५ खेलमा जीत १ खेलमा हार र १ खेलमा पराजय व्यहोरेको छ ।

प्रिमियर लिगकको अंक तालिकामा एभर्टन र वुल्भ्सले लिभरपुललाई पछ्याइरहेका छन् । समान १३ अंकका साथ २ टोली पहिलो र दोश्रो स्थानमा रहेका छन् ।