१४ वर्षपछि आर्सनलसँग हार्यो म्यान्चेस्टर युनाइटेड
एजेन्सी । इंग्लिस प्रिमियर लिगमा म्यान्चेस्टर युनाइटेड पराजित भएको छ । गए राती युनाइटेडको घरेलु मैदान ओल्ड ट्राफोर्डमा भएको खेलमा युनाइटेड आर्सनलसँग स्तब्ध भएको हो ।
आर्सनलले युनाइटेडमाथि १–० को संघर्षपूर्ण जीत दर्ता गरेको छ । ६९ मिनेटमा पियरे एमरिक अबुमियाङले पेनाल्टीमार्फत गरेको गोल नै निर्णायक भयो ।
म्यानचेस्टर युनाइटेडका फ्रेन्च मिडफिल्डर पाउल पोग्बाले आर्सनलका हेक्टर बलेरिनमाथि फाउल गरेपछि आर्सनले पेनाल्टि पाएको थियो ।
सन् २००६ पछि आर्सनलले म्यानचेस्टर युनाइटेडको घरेलु मैदानमा जीत हात पारेको हो । गएराति दर्ता गरेको जीतसँगै आर्सनल १२ अंकका साथ नवाैँ स्थानमा रहेको छ भने युनाइटेड ७ अंकका साथ पन्ध्राैँ स्थानमा पुगेको छ ।
