काठमाडाैँ । अस्ट्रेलियन भेटरान क्रिकेटर सेन वाट्सनले इण्डियन प्रिमियर लिग(आइपिएल)बाट सन्यास लिएका छन् । उनले मंगलबार आइपिएलबाट सन्यासको घोषणा गरेका हुन् ।

उनले ट्वीटर मार्फत जानकारी दिँदै आइपिएलबाट सन्यासको घोषणा गरेका हुन् । वाट्सनले २०२० को आइपिएल चेन्नइ सुपर किंग्सबाट खेलेका थिए ।

उनले ट्वीटरमा भिडियो सार्वजनिक गर्दै भनेका छन्,’एउटा अध्याय सकियो, अब अर्को अध्याय सुरू हुनेछ ।’ वाट्सनले आइपिएलको अन्तिमा खेलमा नै सन्यासबारे केही जानकारी दिएका थिए ।

चेन्नइ सुपर किंग्सले आइपिएलको अन्तिम खेल किंग्स इलाभेन पञ्जावको विरूद्ध खेलेको थियो ।

वाट्सन २ वर्षअघि चेन्नइमा अनुबन्ध भएका थिए । २०१५ बाट नै उनले अन्तर्राष्ट्रिय क्रिकेटबाट सन्यास लिइसकेका छन् । २०१८ मा चेन्नइले आइपिएलको उपाधी जित्दा उनले महत्वपूर्ण भूमिका निभाएका थिए । उनको महत्वपूर्ण सतक सहित चेन्नइ आइपिएलको विजेता भएको थियो ।