एजेन्सी । नारकोटिक्स कंट्रोल ब्यूरो (एनसीबी)ले अभिनेता अर्जुन रामपालसँग आज बयान लिदै छ । यस अघि उनको घरमा छापा मारेको एनसीबीले अभिनेता अर्जुनलाई आज बयानका लागि बोलाएको हो । एनसीबीले अभिनेता अर्जुन रामपालकी प्रेमिका गाब्रेला डेमेट्रीआडेससँग मंगलबार र बुधबार बयान लिएको थियो ।

अभिनेता अर्जुन रामपालसँग दक्षिण मुम्बईस्थित बलार्ड स्टेटमा स्थित एनसीबीको अंचल कार्यालयमा बयान लिने तयारी गरेको छ । एनसीबीले गत सोमबार बलिवुड सेलिब्रेटीले ड्रग्सको प्रयोग र कारोबार गर्ने बारे छानबिन गर्ने क्रममा रामपालको घरमा छापा मारेर उनका इलेक्ट्रोनिक्स ग्याजेटसहरु ल्यापटप, मोबाइल फोन, ट्याबलेट जफत गरेको थियो ।

सुशान्त सिंह राजपुतको मृत्युको मामलामा बलिउडको ड्रग्स कनेक्सन सार्वजनिक भएको थियो । यसपछि फिल्म उद्योगसँग जोडिएका पत्र–पत्र उप्काउन थालिएको छ । गत महिना अर्जुनकी गर्लफ्रेन्ड गेब्रिएलाका भाइलाई ड्रग्स केसमा एनसिबीले गिरफ्तार गरेको थियो ।