बंगलादेशसँग नेपाल पराजित !
काठमाडौँ । नेपाल र बङ्गलादेशबीचको मैत्रीपूर्ण खेलमा नेपाल पराजित भएको छ । शुक्रबार ढाकास्थित बंगबन्धु नेशनल स्टेडियममा भएको खेलमा घरेलु टोली बंगलादेशले नेपाललाई २–० ले पराजित गरेको हो । बंगलादेशलाई जित दिलाउन मोहमद नाबिब नवज जीवन र मबुबुर रहमानले गोल गरे ।
खेलको १०औं मिनेटमा मोहमद नाबिबले गोल बंगलादेशलाई अग्रता दिलाएका थिए । पहिलो हाफमा १–० गोलले पछि परेको नेपालले दोस्रो हाफमा थप एक गोल खान पुग्यो । खेलको ८०औं मिनेटमा रहमानले गोल गर्दै बंगलादेशलाई २–० को जित दिलाए । नेपालले ढाकास्थित बंगबन्धु रंगशालामा ५ वर्षपछि बंगलादेशसँग हार व्यहोरेको हो ।
