एजेन्सी । बलिउड अभिनेता सुशान्त सिंह राजपुतकी पूर्वप्रेमिका अंकिता लोखन्डले श्रद्धान्जली दिने भएकी छन् । अंकिताले सुशान्तलाई एक अवार्ड सोमा श्रद्धान्जलि दिने लागेकी हुन् । अंकिताले आफ्नो सामाजिक सन्जालमा एउटा डान्स भिडियो पनि सेयर गरेकी छिन् । त्यसमा उनले सुशान्तको गीतमा आफूले पर्फम गरेर श्रद्धान्जली दिने पनि बताएकी छन् । यसलाई सुशान्तका प्रशंसकले निकै सकारात्मक रुपमा लिएका छन्

गत जुन १४ मा आफ्नै घरमा मृत फेला परेका अभिनेता सुशान्त सिंह राजपुतले आत्महत्या गरेको नभई हत्या भएको भन्ने आम जनता र परिवारको दाबि पछि अहिले यस विषयको अनुसन्धान सिबिआइले गरिरहेको छ । यस क्रममा सुशान्तसँग जोडिएका एक दर्जन भन्दा बढीको बयान समेत लिइएको छ । सिबिआइले समेत अहिले सुशान्तको मृत्युको प्रकरण बारे ठोस धारणा बनाउन नसकेको भारतीय सञ्चारमाध्यामले जनाएका छन् ।