विवाह गर्दै बलिउड अभिनेत्री मौनी राय !
एजेन्सी । बलिउड अभिनेत्री मौनी रायले विवाह गर्ने भएकी छन् । भारतीय सञ्चारमाध्यामका अनुसार उनी दुबई निवासी सुरज नान्वियारसँग विवाह गर्न लागेकी हुन् । दुवै पछिल्लो केही समयदेखि एकअर्कासँग प्रेममा थिए ।
लकडाउनको शुरूको समयदेखि नै अभिनेत्री राय दुबईमा बस्दै आएकी छन् । मौनीले सुरजसँगको प्रेम सम्बन्धको बारेमा इन्स्टाग्रामबाट अफिशियल गरिदिएकी हुन् । उनले सुरज र उनका परिवारको साथमा सामाजिक सञ्जालमा फोटो पनि शेयर गरेकी थिइन् ।
मौनी सुरजसँग भन्दा पहिला गौरव चोपडा र मोहित रैनासँग प्रेम सम्बन्धमा थिइन् । उनी चाडैनै फिल्म ब्रम्हास्त्रमा देखिनेछिन् । फिल्ममा रणबीर कपुर, आलिया भट्ट र अमिताभ बच्चन पनि देखिनेछन् ।
