एजेन्सी । बलिउड अभिनेत्री आलिया भट्टको जन्मदिन पारेर आरआरआरमा सीता लूक्स’ सार्वजनिक गरिएको छ । निर्देशक एसएस राजामौलीको निर्देशनमा बनिरहेक उक्त फिल्मलाई प्रशंसकहरुले लामो समयदेखि प्रतिक्षा गरिरहेका छन् । प्रशंसकहरुको उत्साहजनक प्रतिक्षालाई कम गर्नका लागि अहिले फिल्मबाट आलिया भट्टको लूकलाई सार्वजनिक गरिएको भारतीय सञ्चारमाध्यामले जनाएका छन् ।

यो फिल्ममा आलियाले सीताको भूमिकामा निर्वाह गरिरहेकी छिन् । उक्त ‘सीता लूक्स’ सार्वजनिक गर्ना साथ प्रशंसकहरुको प्रतिक्रिया पनि आउन थालिसकेको छ । फिल्ममा साउथका सुपरस्टार जूनियर एनटिआर र राम चरण जस्ता दिग्गज कलाकार छन् भने फिल्ममा अभिनेत्री आलिया भट्टको पनि महत्वपूर्ण भूमिका रहेको छ ।

आरआरआरमा आलियाको फर्स्ट लूक निकै भव्य छ । आलिया भट्टको फर्स्ट लूक आउनासाथ सामाजिक सञ्जालमा प्रतिक्रियाहरु धेरै आएका छन् । आलिया यो लूकमा उनी भारतीय परप्मरागत गेटअपमा अति नै सुन्दर देखिएकी छिन् । उनी रातो प्रिन्टेड ब्लाउजमा हरियो साडीमा देखिएकी छिन् । त्यस्तै नाकमा सानो रिङ, निधारमा टिका, घुम्रिएको कपाल र त्यसमा गजरा लगाएको पारम्परिक झलक प्रस्तुत गरेकी छिन् ।