अष्ट्रेलियाको एडिलेडमा बसोबास गर्ने नेपालीहरुले बिहीबार साँझ स्थानीय भिक्टोरिया स्क्वाएरमा भेला भई महाभूकम्पमा परी दिवंगत हुनुभएका नेपालीहरुलाई मैनबत्ती बालेर स्मरण गरेका छन् । त्यस्तै उनीहरुले घाइतेहरुको शीघ्र स्वास्थ्इलाभको कामना पनि गरेका छन् । कार्यक्रममा मन्त्री जोय बेट्टिसन उपस्थित हुनुहुन्थ्यो भने नेपाली समूदायका अग्रजहरु पनि सहभागी हुनुहुन्थ्यो । नेपालको नक्सा बनाई वरिपरि मैनबत्ती बालेर उनीहरुले मौनधारण गरेका थिए । नेपालको झण्डासहित उपस्थित भएका एडिलेडबासी नेपालीहरुले विपत्तिको यो समयमा नेपाली दाजुभाईहरुलाई धैर्य गर्ने शक्ति मिलोस भन्ने प्रतिक्रिया व्यक्त गरे । एनआरएन अष्ट्रेलिया एडिलेड राज्य समितिसहित अन्य नेपाली संघ संस्थाको आयोजनामा दिप प्रज्वलन कार्यक्रमको आयोजना गरिएको हो। थप फोटोहरु हाम्रो फेसबुक पेजमा हेर्नुहोला