एजेन्सी । ड्रग्स केसमा नारकोटिक्स कन्ट्रोल ब्युरो (एनसीबी)ले अनुसन्धानलाई जारी राखेको छ । अनुसन्धान जारी रहेकै बेला थप एक भारतीय अभिनेतालाई एनसीबीले पक्राउ गरेको छ । अभिनेता एजाज खानलाई एनसीबीले मंगलबार गिरफ्तार गरेको भारतीय सञ्चारमाध्यामले जनाएका छन् ।

एनसीबीले ड्रग्स मालिक फारूक बटाटा र उनका छोरा शादाब बटाटासँग काम गरेको आशंकामा एजाजलाई गिरफ्तार गरेको हो । एजाजलाई प्रहरीले मंगलबार घण्टौं सोधपुछ गरेको थियो । त्यसपछि मात्रै उनलाई गिरफ्तार गरिएको जनाएको छ ।

यसभन्दा अघि ड्रग्स मालिक फारुक बटाटालाई ८ घण्टा सोधपुछ गरेर छाडेको थियो । फारुखका छोरा शादाबलाई गत हप्ता एनसीबीले छापामार शैलीमा गिरफ्तार गरेको थियो । उनको साथबाट २ करोड मूल्य बराबरको ड्रग्सको खोप बरामद गरेको थियो । शादाबले पुछताछको दौरानमा धेरै सेलिब्रेटिको नाम लिएका थिए ।

एजाजलाई लिएर मंगलबार राजस्थानबाट मुम्बई फर्किए लगतै एनसीबीले सूचना दिएर हिरासतमा लिएको छ ।एनसीबीले एजाजलाई लिएर अधेंरी तथा लोखंडवाला लगायत धेरै ठाउँमा छापा मारेको थियो ।

यो छापामारमा ड्रग्स बरामद भयो कि भएन एनसीबीले बताएको छैन् । तर छापा मारेपछि मात्रै एजाजको गिरफ्तार गरिएको थियो । यसभन्दा अघि २५ मार्चमा मुम्बइका सबैभन्दा ठूलो ड्रग्स सप्लाायर्स फारुख बटाटाकका छोरा शादाब बटाटाको गिरफ्तार गरिएको थियो ।

को हुन् एजाज खान ?
एजाज खानको जन्म २९ मई १९८१ मा भारतको गुजरातमा भएको थियो । हिन्दी फिल्मबाट आफ्नो केरियरको सुरुवात गरेका उनले टिभी सिरियलमा काम गरेका छन् । टिभी सिरियल क्या होगा निम्बो का बाट अभिनय यात्रा सूरु गरेका थिए । उक्त सिरियल २००७ मा रिलिज भएको थियो । त्यसपछि उनले तेरे आशिर्वाद कोई है, कहानी हमारे महाभारतकी मट्टी की बन्नो, दिया और बाती हम आदी सिरियलमा समेत काम गरेका थिए ।

२०१३ को बीग बस सिजन–७ मा उनले भाग लिएका थिए । यसअघि उनले खतरोंका खेलाडी को सिजन ५ मा वाल्र्डकार्ड पाएका थिए । फिल्म क्षेत्रमा उनले २००९ सालमा एक द वावर अफ वन बाट अभिनय सूरु गरेका गरेका हुन् । त्यसपछि उनले वे लम्हा अल्लाके बंदे, रक्त चरित्र–२, बुड्डा होगा तेरा बाप, नायक, बादशाह र हार्ट अटेक जस्ता फिल्ममा पनि काम गरेका छन् । पछिल्लो पटक २०२० मा उनको नयाँ फिल्म गाल मुगाई रिलिज भएको छ ।