एजेन्सी । राधे योर मोस्ट वान्टेड भाइ’ फिल्मको नयाँ गीत सार्वजनिका भएको छ । फिल्मका हरेक गीतहरुले राम्रो चर्चा बटुलिरहेका छन् । फिल्म रिलिज हुनभन्दा तीन दिनअघि निर्माताहरुले सलमान खान र दिशा पटानीको अभिनय रहेको नयाँ गीत ‘जुम–जुम’ सार्वजनिक गरेका हुन् ।

यो अनस्क्रिन जोडीको ‘सिटी मार’ बोलको गीत भर्खरै मात्र सार्वजनिक भएको थियो । अब, रोमान्टिक डान्स नम्बर ‘जुम–जुम’ सार्वजनिक भएको छ । यस गीतमा सलमान र दिशाको हल्का–फुल्का केमेस्ट्री देखिन्छ ।

यस गीतलाई सुन्दर एमबी भ्यालीमा सुट गरिएको छ । गीतको संगीत साजिद–वाजिदले कम्पोज गरेका छन् । यस गीतलाई कुणाल वर्माले लेखेका हुन् । ऐश किंग र इयूलिया वन्तुरले गीतमा स्वर भरेका छन् र सिजर गोन्साल्विसले यसको कोरियोग्राफी गरेका छन् ।

फिल्ममा सलमानसँगै दिशा पटानी, रणदीप हुड्डा र ज्याकी श्राफ पनि महत्वपूर्ण भूमिकामा छन् । सलमान खान फिल्म र जी स्टुडियोको प्रस्तुती हो, ‘राधे योर मोस्ट वान्टेड भाई’ । यो फिल्म भोलि (इदको अवसर पारेर १३ मेइ) डिजिटल प्लेटफर्ममार्फत रिलिज हुँदैछ ।