बन्यो संविधानको मस्यौदा, शुक्रबारसम्ममा कार्यदलले प्रतिवेदन दिने
संविधान मस्यौदा समितिको आजको बैठकमा एकीकृत प्रारम्भिक मस्यौदा कार्यदलले मस्यौदा तयार गर्ने सन्दर्भमा हालसम्म भएको प्रगतिका बारेमा जानकारी गराएको छ । बैठकमा समितिका सभापति एवम् कार्यदलका संयोजक कृष्णप्रसाद सिटौलाले संविधानको प्रारम्भिक एकीकृत मस्यौदा निर्माण कार्य उत्साहजनक ढङ्गले अघि बढिरहेको बारेमा बैठकलाई जानकारी गराउनुभयो । समितिलाई मस्यौदा तयार गर्न संविधानसभाले दिएको १५ दिनको समयसीमाभित्रै जिम्मेवारी पूरा गर्ने समितिका कार्यदलका सदस्य हितराज पाण्डेले बताउनु भयो । उक्त कार्यदलले समितिका सदस्यलाई अध्ययन र छलफलका लागि आगामी शुक्रबार बस्ने बैठकमा एकीकृत प्रारम्भिक मस्यौदासहितको प्रतिवेदन उपलब्ध गराउने जानकारी दिएको छ ।
