एजेन्सी । पोर्नोग्राफिक फिल्म बनाएको आरोपमा गत सोमबार पक्राउ परेका राज कुन्द्रालाई मुम्बईस्थित एक अदालतले १४ दिन न्यायिक हिरासतमा राख्न अनुमति दिएको छ ।

बलिउड अभिनेत्री शिल्पा सेट्ठीका श्रीमान तथा व्यवसायी कुन्द्रालाई मुम्बईको एक अदालतले १४ दिन न्यायिक हिरासतमा राख्न अनुमति दिएको हो ।

कुन्द्रालाई मुम्बई प्रहरीले पोर्नोग्राफिक फिल्म बनाउने र त्यसलाई एपको माध्यमबाट मानिसहरुमा पुर्‍याउने गरेको आरोपमा गत सोमबार पक्राउ गरेर हिरासतमा राखिएको थियो ।

कुन्द्रासंगै पक्राउ परेका अर्का एक व्यक्ति रायन थार्पलाई पनि १४ दिन न्यायिक हिरासतमा राख्न अनुमति दिइएको छ । गत फेब्रुअरीमा प्रहरीमा दर्ता भएको उजुरीको अनुसन्धानको क्रममा राज कुन्द्रा पक्राउ परेका थिए ।

प्रहरीले उक्त मामिलामा राज कुन्द्रा सामेल रहेको पर्याप्त प्रमाण भएको दाबी गरेको छ । राज कुन्द्राले भने आफूमाथि लागेको उक्त आरोप अस्वीकार गर्दै आएका छन् ।