एसिसी अन्डर–१९ मा नेपाललाई अर्को सफलता, मलेसिया ५३ रनले पराजित
उन्नाइस वर्षमुनिका खेलाडी सम्मिलित एसियाली क्रिकेट काउन्सिल (एसिसी अन्डर नाइन्टिन) प्रिमियर लिगमा नेपालले मलेसियालाई ५३ रनले पराजित गरेको छ । कुवेतमा भएको खेलमा नेपालले निर्धारण गरेको ११६ रनको लक्ष्य पछ्याउँदै ६२ रनमा सीमित भएको मलेसिया २४.४ ओभरमा अलआउट भएको नेपाल क्रिकेट सङ्घले जनाएको छ । टस जितेर पहिले व्याटिङ गरेको नेपालले १० विकेट गुमाएर एकसय १५ रन जोडेको थियो । गत सोमबार र मङ्गलबार भएका खेलमा पनि नेपालले साउदी अरेबियालाई १९५ र कुवेतलाई २६२ रनले पराजित गरेको थियो ।
