गत २८ वर्षमा पहिलो पटक अष्ट्रेलियाको औपचारिक भ्रमण गर्ने प्रधानमन्त्रीको रुपमा इतिहास कायम गर्दै प्रधानमन्त्री नरेन्द्र मोदीले मंगलबार क्यानबेरामा अष्ट्रेलियन संसदलाई सम्बोधन गर्नुभएको छ । सुरुमै आपूm एकै सातामा संसदमा बोल्ने तेस्रो सरकारप्रमुख भएको भन्दै ठट्यौलो पारामा उपस्थित हुनुभएको थियो । तर, अष्ट्रेलिया र भारत उस्तैखाले समस्याहरुसँग जुधिरहेको र उस्तैखाले अवसरहरुको निम्ति अघि बढिरहेको बताउनुभएको थियो । उहाँले भारलाई युवा राष्ट्रको रुपमा व्याख्या गर्दै ३५ वर्षमुनीको जनसंख्या मात्रै ६५ प्रतिशत रहेको मुलुक भारत तिव्रताका साथ अघि बढ्ने र यसमा अष्ट्रेलियासहित विश्वको साथ चाहेको बताउनुभयो । अष्ट्रेलियाले भारतको शिक्षा, स्वास्थ्य, शिप, ऊर्जा लगायतका क्षेत्रमा लगानी गर्नसक्ने भन्दै उहाँले आमन्त्रण पनि गर्नुभयो । दुई देशकाबीचमा भर्खरै चीनसँग भएजस्तै स्वतन्त्र व्यापार सम्झौताको तयारीका निम्ति पनि दुबै प्रधानमन्त्रीले आग्रह गर्नुभएको छ । यसको तयारी सुरु भइसकेको बताइएको छ ।