श्रीकृष्ण श्रेष्ठलाई श्रद्धाञ्जलीको तयारी, कोहिनूर प्रदर्शन हुँदै
डिसेम्बर ७ तारिखका दिन चर्चित चलचित्र कोहिनूर प्रदर्शन हुने भएको छ । सुपरस्टार नायक श्रीकृष्ण श्रेष्ठको अन्तिम चलचित्र बनेको कोहिनूर नेपालमा भव्यताका साथ सफल भएको थियो । चलचित्रलाई धेरेभन्दा धेरै दर्शकले श्रीकृष्ण श्रेष्ठप्रतिको श्रद्धाञ्जलीको रुपमा लिँदै हेर्न गएका थिए । चलचित्रका निर्देशक आकास अधिकारीका अनुसार चलचित्रको कथावस्तुले पनि यसलाई सपोर्ट गरेको छ । हर्सभिलस्थित वेष्टफिल्ड सपिंग सेन्टरमा रहेको ईभेन्ट सिनेमामा साँझ ६ बजेदेखि प्रदर्शन गरिने तयारी भएको चलचित्रलाई नेपाली टच र एन्जल मुभिजले ल्याएको हो । टिकट अनलाईन बुकिंग गर्न सकिने बताइएको छ ।
