भारतको उत्तरी भागमा जनवरी महिनादेखि ‘फिजर’ राखिएका मृत धर्मगुरुका भक्तहरूले कम्तिमा थप सात सातासम्म उनको अन्त्येष्टि हुन नदिन अदालतमा चलेको मुद्दा जितेका छन् । यसअघि हिन्दु धर्मगुरु आशुतोष महाराजको शवको अन्त्येष्टि गरिदिन अदालतले आदेश दिएको थियो भने उनका समर्थकहरू पञ्जावमा उक्त आदेश हाल कार्यान्वयन हुननदिन पुनरावेदन दिएका थिए । अधिकारीहरूले यी गुरुको जनवरी २९ मा मृत्यु भएको घोषणा गरेका थिए । पञ्जाव तथा हरियाणा उच्च अदालतको संयुक्त इजलासले अन्त्येष्टि फेब्रुअरी ९ सम्म नगर्न आदेश दिएको ती गुरुका आश्रमका प्रवक्ता स्वामी विशालानन्दले बताए । यी गुरुका भक्तहरूले आफ्ना आध्यात्मिक गुरुको मृत्यु नभएको र उनी गहन ध्यानमा रहेको दाबी गरिरहेका छन् । साथै उनीहरूले यी धर्मगुरु अन्त्यमा फर्केर आफूलाई मार्गदर्शन गर्ने पनि दाबी गरेका छन् । आशुतोषको शरीरलाई हाल नुरमहल नगरमा एक ‘फ्रिजर’मा राखी भक्तहरू त्यसको सुरक्षामा बसेका छन् भने यस शरीरका विषयमा महिनौँसम्म कानुनी मुद्दा चलेको छ । आशुतोषको उमेर ७० वर्ष भएको बताइएको छ र उनले दिव्य ज्योति जागृति संस्थालाई नेतृत्व दिएका थिए । यस संस्थाको विश्वमा दशौँ लाख भक्त भएको दाबी गरिएको छ । यी गुरुका छोराले आफ्ना पिताको अन्त्येष्टि हुनुपर्ने माग गरेका छन् भने उनका भक्तहरूले उनको अन्त्येष्टिको विरोधमा भारतको संविधानले दिएको धार्मिक स्वतन्त्रताको व्यवस्थालाई अगाडि बढाएका छन् । दुई सदस्युक्त इजलासले सोही अदालतको एक न्यायाधीशयुक्त इजलासले यसअघि डिसेम्बर १ मा दिएको अन्त्येष्टि गर्ने आदेशलाई स्थगन गरेको छ । उक्त निर्णयको अगाडि उनका हजारौँ भक्त नुरमलमा जम्मा भई आफ्ना गुरुलाई उच्च तहको ध्यान अर्थात समाधिमा निरन्तर रहनदिनुपर्ने माग गरेका थिए । आशुतोषको वेबसाइटमा यो अभियान सन् १९८३ मा स्थापना भएको र यसको विश्वभर आध्यात्मिक केन्द्र रहेको जानकारी दिएको छ । यसले आफ्ना गुरु ध्यानमा रहेको अवस्थामा यसका भक्तहरू यस अभियानको पक्षमा रहेकामा धन्यवाद दिएको छ ।