नेपालस्थित पाकिस्तानी दूतावासमा तीनदिन शोक पुस्तिका
पाकिस्तानको पेशावरमा मङ्गलबार भएको आतङ्कवादी आक्रमणमा परी ज्यान गुमाएकाहरूप्रति समवेदना व्यक्त गर्न तथा आतङ्कवादविरुद्ध ऐक्यबद्धता प्रकट गर्न चाहनेहरूका लागि काठमाडौंस्थित पाकिस्तानी दूतावासले आफ्नै कार्यालय परिसरमा शोकपुस्तिका राख्ने भएको छ । उक्त दूतावासका अनुसार आज बिहीबारदेखि शनिबारसम्म तीनदिन शोकपुस्तिका राखिने छ भने सम्पूर्ण औपचारिक कार्यक्रम एवम् समारोह रद्द गरिएको दूतावासले एक विज्ञप्ति जारी गरी उल्लेख गरेको छ ।
