माघे संक्रान्ति फेष्टिभल आगामी शनिबार सिड्नीमा हुँदै
मगर समाज अष्ट्रेलियाको आयोजनामा माघ १ गते माघे संक्रान्ति महोत्सव आयोजना गरिने भएको छ । जनवरी १७ तारिखका दिन आयोजना गरिने कार्यक्रम महोनी पार्क म्यारिकभिलमा आयोजना गरिनेछ । यस अवसरमा मगर जातिको पहिचान झल्किने संस्कृति प्रदर्शन, खानाका स्टलहरुसहित मनोरञ्जनका विविध कार्यक्रम आयोजना हुनेछ । जसमा गायक खड्क गर्बुजा र मुना थापाले आफ्नो प्रस्तुति दिनेछन् । निःशुल्क प्रवेशको व्यवस्था गरिएको आयोजक मगर समाज अष्ट्रेलियाले जनाएको छ ।
