किराँत खुम्बु राई समाजले येले दोंग नाईट सम्पन्न गरेको छ । शनिबार साँझ पिटरशाम टाउन हलमा आयोजना गरिएको मनोरञ्जनात्मक येले दोंग नाईट किराँतीहरुको ५०७५ नयाँ वर्षको अवसरमा गरिएको हो । कार्यक्रमको प्रमुख अतिथि न्यू साउथ वेल्सका लागि नेपाली अवैतनिक महावाणिज्यदूत दीपक खड्का हुनुहुन्थ्यो । यसैगरी अन्य विविन्न संघ संस्थाका प्रतिनिधि पनि कार्यक्रममा उपस्थित हुनुहुन्थ्यो । कार्यक्रममा बोल्दै प्रमुख अतिथि खड्काले यति पुरानो परम्परालाई अष्ट्रेलियामा आएर जगेर्ना गर्नु आफैंमा प्रशंसनीय भएको बताउनुभयो । यस्तै संघीय समाज अष्ट्रेलियाका अध्यक्ष गणेश तामांग, आदिवासी जनजाति मञ्च अष्ट्रेलियाका अध्यक्ष चित्र तुम्बाहाम्फे र किराँत खुम्बु राई समाजका अध्यक्ष शशीचन्द्र राईले नयाँ वर्षको सबैलाई शुभकामना दिनुभएको थियो । औपचारिक कार्यक्रमपछि विभिन्न नृत्य, गीत लगायतका मनोरञ्जनात्मक प्रस्तुतिहरु देखाइएको थियो ।