पहिलोपटक आयोजना हुन लागेकोे १९ वर्षमुनि (यु–१९) उमेर समूहको साफ च्याम्पियनसिप फुटबल प्रतियोगिताको सम्पूर्ण तयारी पूरा भएको अखिल नेपाल फुटबल सङ्घ (एन्फा)ले जनाएको छ । यही भदौ ३ देखि १२ गतेसम्म सञ्चालन हुने उक्त प्रतियोगिताको खेल सातदोबाटोस्थित एन्फा कम्प्लेक्सको फुटबल खेल मैदानमा हुने एन्फाका महासचिव धीरेन्द्र प्रधानले जानकारी दिनुभयो । पत्रकार सम्मेलनमा उहाँले भुटान र बङ्गलादेशको टोली आइसकेको र अन्य टोली भोलि नेपाल आइसक्ने बताउनुभयो । महासचिव प्रधानले उक्त प्रतियोगिताको लागि करिब रु ७८ लाख खर्च लाग्नेसमेत जानकारी दिनुभयो । त्यस्तै एन्फाका कार्यकारी निर्देशक इन्द्रमान तुलाधरले प्रतियोगिताले भूकम्पबाट अन्तर्राष्ट्रिय जगत्मा पु¥याएको नकारात्मक सन्देशलाई चिर्ने बताउनुभयो । विभिन्न छ राष्ट्रले भाग लिएको उक्त प्रतियोगितामा नेपाल समूह ‘ए’ मा परेको छ । त्यस्तै समूह ‘ए’ मा नै बङ्गलादेश र भुटान छन् । त्यसैगरी समूह ‘बी’ मा माल्दिभ्स, भारत र अफगानिस्तान छन् । लिग कम नकआउटका आधारमा खेलाइने उक्त प्रतियोगितामा नेपालले पहिलो खेल भदौ ३ गते भुटानको सामना गर्दै प्रतियोगिताको उद्घाटन गर्नेछ । त्यस्तै दोस्रो खेल भदौ ७ गते बङ्गलादेशको सामना गर्नेछ । उक्त प्रतियोगिताको टिकट दर भिआइपीतर्फ रु ३०० तोकिएको छ भने पूर्वतर्फको स्टान्डमा रु २०० तोकिएको एन्फाले जनाएको छ ।
साताँै राष्ट्रिय खेलकुद प्रतियोगिता
राष्ट्रिय खेलकुद परिषद् (राखेप)का सदस्य–सचिव केशवकुमार विष्टले साताँै राष्ट्रिय खेलकुद प्रतियोगितामा विभिन्न विधाका ३५ खेलको सहभागिता रहने बताउनुभएको छ । बोर्ड बैठकले फुटबल, एथ्लेटिक्स, बक्सिङ, कराते, तेक्वान्दो, भलिबल, जुडो, उसु, बास्केटबल, चेस, ह्यान्डबल, सुटिङ, भारोत्तोलन, पौडी, लनटेनिस, गल्फ, क्रिकेट, आर्चरीलगायत ३५ खेल समावेश गराउने निर्णय भएको उहाँले जानकारी दिनुभयो । प्रतियोगितामा अघिल्लो संस्करणको खेलमा भन्दा यसपटक सेपाताक्रो, फेन्सिङ, ट्राइथलन र खोखो गरी चार खेल थपिएको सदस्य सचिव विष्टको भनाइ छ । आगामी मङ्सिर ११ देखि १८ गतेसम्म सञ्चालन हुने उक्त प्रतियोगितामा करिब १५ हजार खेलाडीले प्रतिस्पर्धा गर्नेछन् । प्रतियोगिताको उद्घाटन खेल भने धरान रङ्गशालामा हुनेछ ।