लाईन लागेरै आप्रवासी पस्न थाले युरोप
सिरिया, लेवनानलगायतका देशबाट युरोप छिर्ने आप्रवासीको सङ्ख्या लगातार वृद्धि भइराखेको अस्ट्रियाको गृह मन्त्रालयले आइतबार जनाएको छ । विभिन्न द्वन्द्वग्रस्त देशबाट करिब ११ हजारभन्दा बढी शरणार्थीको सङ्ख्या शनिबारमात्र अस्ट्रिया आइपुगेको जनाइएको छ । धेरैजसो शरणार्थी हङ्गेरीको सिमाना हुँदै निकल्सडोफ आइपुगेका अस्ट्रिया सरकारले जनाएको छ । करिब ५ हजार आप्रवासी हङ्गेरीको सङ्कटकालीन आश्रयस्थलमा (शिविर) बस्दै आएको र अस्ट्रिया प्रवेश गर्ने योजना बनाएको, अस्ट्रिया आइपुगेका एक आप्रवासी शरणार्थीले जनाए । उनीहरू आइतबार रातिसम्म निकल्सडोपफ आइपुग्ने बताइएको छ ।
