आगामी अक्टोबर १४ देखि काठमाडौंमा हुने गैरआवासीय नेपाली संघ एनआरएनएको विश्व सम्मेलनमा अष्ट्रेलियाकी भुमादेवी लिम्बुले ओसेनिया क्षेत्रीय संयोजक पदमा उम्मेद्वारी दिने बताएकी छिन् । अहिले ओसेनिया क्षेत्रीय उपसंयोजकको पदमा कार्यरत उनले एमएनटीभीसँग कुरा गर्दै भनिन् “विश्व सम्मेलनमा सहभागी हुने अष्ट्रेलियाका प्रतिनिधिहरुलाई काम हेरेर, एजेन्डा हेरेर भोट दिन आग्रह गर्दछु । मेरो अनुभवमा आईसीसी र एनसीसीहरुको बीचमा सञ्चारमा समस्या छ । म कम्युनिकेटर भएर काम गर्नेछु ।” लिम्बुले भनिन्, “नेपालाम भूकम्प गएको बेला त्यहाँ करिब ४ हप्ता बसेर मैले स्वास्थ्य शिविरहरु सञ्चालन समेत गरेको थिएँ । म एक नर्स समेत भएकोले स्वास्थ्य क्षेत्रमा काम गर्न चाहन्छु ।” यसैगरी एनआरएनले पुनिर्माणको चरणमा एक हजार घर बनाउन लिएको पहलमा सहयोग गर्ने पनि उनको चाहना छ । नेपाली गीत संगीत र संस्कृति प्रबद्र्धन गर्न समेत आपूmले विशेष जोड दिने लिम्बुले बताइन् । सन् २००५ मा एनआरएनमा आबद्ध भएकी लिम्बुसँग एनआरएन अष्ट्रेलियाका विभिन्न पदमा रहेर काम गरिसकेको अनुभव छ । यसअघि क्षेत्रीय संयोजक पदमा अष्ट्रेलियाबाटै महेन्द्र लम्सालले उम्मेद्वारी घोषणा गरिसकेका छन् ।