ठगले धर्मको नाममा पनि गरे कारोबार, चर्चमार्फत अमेरिका पठाइदिन्छु भन्दै ठगी गर्ने पक्राउ
चर्चमार्फत अमेरिका पठाइदिन्छु भन्दै विभिन्न व्यक्तिबाट रु ४७ लाख ठगी गर्ने एकजनालाई प्रहरीले पक्राउ गरेको छ । पक्राउ पर्नेमा ललितपुर उपमहानगरपालिका–१६ का प्रवेक डङ्गोल रहेको महानगरीय प्रहरी परिसर काठमाडौँले जनाएको छ । अभियुक्त डङ्गोलले दोलखामा आङछिरी शेर्पालगायत सातजनालाई आफू चर्चको पास्टर रहेको र प्रतिव्यक्ति रु २५ लाख दिएमा चर्चमार्फत अमेरिका पठाइदिन्छु भनी प्रलोभन देखाई शेर्पालगायत सातजनासँग रु ४७ लाख ५० हजार लिई नक्कली प्रवेषाज्ञा र टिकटसमेत उपलव्ध गराई सम्पर्कविहीन भएका थिए । आफू ठगिएको थाहापाएपछि पीडित शेर्पालगायतले दिएको उजुरीका आधारमा डङ्गोललाई पक्राउ गरी कारबाहीका लागि महानगरीय प्रहरी परिसर ललितपुर पठाइएको परिसरले जनाएको छ ।
