आत्मघाती बम विष्फोटमा बग्दादमा १७ को मृत्यु
इराकको बग्दादमा शुक्रबार भएको आत्मघाती बम आक्रमणमा परी कम्तिमा १७ जनाको मृत्यु भएको त्यहाँको गृह मन्त्रालयले जनाएको छ । शिया समुदायको एक मस्जिदमा शोकसभामा उपस्थित भएको मानिसहरुको भीडमा आत्मघाती सो विष्फोट गराउँदा दक्षिणी बग्दादको अमिल जिल्लामा १७ जनाको मृत्यु भएको आफ्नो नाम नबताउने शर्तमा एक प्रत्यक्षदर्शीले जनाए । घटनामा दर्जनौँ शिया समुदायका नागरिकको मृत्यभएको बताइएको छ । घाइतेहरुको अवस्था गम्भीर भएकोले मृतकको सङ्ख्यामा वृद्धि हुन सक्ने प्रहरीले जनाएको छ । सन् २०१४ भरी इराकमा भएका हिंसात्मक आक्रमणमा परी कम्तिमा १२ हजार २८२ जनाको मृत्युभएको साथैे २३ हजार १२६ जना घाइते भएको राष्ट्रसङ्घको तथ्याङ्कमा जनाइएको छ।
