नेपाली काँग्रेसका वरिष्ठ नेता शेरबहादुर देउवाले आगामी महाधिवेशनले पार्टीलाई जीवन्त तुल्याउनुका साथै एकता कायम गरी भविष्यमा आउने सबैखाले चुनौतीको सामना गर्न सक्षम हुने दृढता व्यक्त गर्नुभएको छ । नेपाली काँग्रेस क्षेत्र नं २ काठमाडाँैले सन्त नेता कृष्णप्रसाद भट्टराईको ९२आँै जन्मजयन्ती तथा ४०आँै राष्ट्रिय एकता दिवसका अवसरमा आयोजना गरेको ‘किसुनजी र वर्तमान राजनीति’ विषयक अन्तक्र्रियामा उहाँले सो कुरा बताउनुभएको हो । महाधिवेशनले नेपालको संविधानलाई बलियो बनाउने नयाँ सोंच, शक्ति र सामथ्र्य निर्माण गर्ने बताउँदै वरिष्ठ नेता देउवाले संसद्मा पेस भएको संशोधन विधेयक पास भएका खण्डमा मधेसमा उठेका धेरै समस्या सुल्झने दाबी गर्नुभयो । लोकतान्त्रिक मूल्य मान्यता र सिद्धान्तप्रति प्रतिबद्ध नेपाली काँग्रेसका संस्थापक नेता कृष्णप्रसाद भट्टराईमा शालिन, लगनशीलताका अतिरिक्त ठट्यौली र रमाइलो गर्ने विलक्षण प्रतिभा रहेको नेता देउवाले चर्चा गर्नु भयो । काँग्रेसका केन्द्रीय सदस्य अम्बिका बस्नेतले संविधान जारी गर्दा भएका कमीकमजोरी सच्याएर जान सकिन्छ भन्नुभयो ।
पूर्वराज्यमन्त्री लक्ष्मण घिमिरेले राजनीतिक स्थायित्व, शान्ति, विकास, सामाजिक न्याय तथा सद्भावका लागि संविधान भएपनि संविधान जारी भएसँगै नाकाबन्दी र कालोबजारीका घटना हुन पुग्दा नेपाली जनताले फेरि पनि मार खेप्नुपरेको उल्लेख गर्नु भयो । सांसदत्रय भिमसेनदास प्रधान, दीपक कुइँकेल र ध्यानगोविन्द रञ्जितले राजनीतिमा धेरै लोभीपापी रहेका बेला सन्त नेता भट्टराई एक आदर्श पुरुषका रुपमा नेपाली राजनीतिमा पहिचान राख्न सफल हुनुभएको धारणा राख्नु भयो ।
उहाँहरुले भन्नुभयो– “पार्टीको आगामी फागुन २० देखि २३ गतेसम्म काठमाडाँैमा हुने १३आँै महाधिवेशनलाई महाभारतको लडार्इंका रुपमा नलिइ लोकतन्त्रको अभ्यासका रुपमा लिन नेतृत्व वर्गलाई सुझाव दिन चाहन्छाँै ।” राजनीतिक विश्लेषक तथा वरिष्ठ पत्रकार पुरुषोत्तम दाहालले नेपाली काँग्रेस लोकतन्त्रको समस्या, समाधान, मुलुक बनाउने संयन्त्र र बिगार्ने औजारका रुपमा रहँदै आएको परिघटना सुनाउनुभयो । नेपाली काँग्रेस क्षेत्र नं २ का सभापति उपेन्द्र कार्कीको अध्यक्षतामा भएको उक्त कार्यक्रममा नेपाली काँग्रेसकी नेत्री प्रतिमा गौतम, नेता हरिशरण नेपालीले समग्र मुलुक र पार्टीले नयाँ नेतृत्व र नयाँ विचार खोजिरहेका बेला सङ्कटको निकासका लागि सन्त नेता भट्टराई जस्तो राजनेताको आवश्यकता आँैल्याउनुभयो ।