सिड्नीको ओपेरा हाउसमा गरिएको अपरेशन पूर्वसतर्कता मात्र ?
न्यूसाउथवेल्स प्रहरीले सिड्नी ओपेरा हाउसमा आज गरिएको अपरेशन मात्र सतर्कताको पूर्वाभ्यास भन्ने प्रतिक्रिया दिएको छ । एक विज्ञप्ति प्रकाशित गरी न्यू साउथवेल्स प्रहरीले यस्तो जानकारी दिएपनि सामाजिक सञ्जालमा आएको एक चेतावनीलाई केन्द्रित गर्दै ओपेरा हाउसमा खानतलासी गरिएको थियो । तर, कुनै शंकास्पद वस्तु भेट्न नसकेपछि २ घण्टाको प्रहरी अपरेशन सम्पन्न भएको जानकारी गराइएको थियो । आज ओपेरा हाउसमा कबिर २ घण्टाको अपरेशनका कारण त्यहाँबाट सर्वसाधारणलाई हटाइएको थियो भने पूरै खाली गराइएको यो क्षेत्रमा ठूलो मात्रामा सुरुक्षाकर्मीले खानतलासी गरेका थिए । यस्तै म्यान्ली क्षेत्रबाट आउने जहाजहरुलाई पनि रोकिएको थियो ।
