एकीकृत नेकपा माओवादीका महासचिव कृष्णबहादुर महराले संविधान संशोधन गरी मधेसीको माग संशोधन प्रक्रिया सुरु भएकाले अब मधेस आन्दोलन र नाकाबन्दीको समस्या चाँडै नै हट्ने बताउनुभएको छ । क्रान्तिकारी पत्रकार सङ्घ रोल्पाले लिवाङमा गरेको पत्रकार भेटघाट कार्यक्रममा उहाँले सो कुरा बताउनुभएको हो । उहाँले मधेसी दलले बाहिरी रुपमा संविधानको खुलेर स्वीकार नगरेको भए पनि भित्रीरुपमा भने संविधान स्वीकार गरेको दाबी गर्नु भयो । अख्तिायार दुरुपयोग अनुसन्धान आयोगले पत्र काटेको विषयमा पत्रकारले सोधेको प्रश्नको जवाफमा नेता महराले शान्ति प्रक्रिया सुरु भएपछि लडाकु व्यवस्थापन गर्दा आफूले सरकारसँग बुझेको खर्चको बारेमा अनुसन्धान गर्नुपर्ने भनी पत्र पठाएको जवाफ दिनुभयो । अहिले सो रकमको लेखा परीक्षण भइसकेको समेत उहाँले स्पष्ट पार्नुभयो ।